عوده عوااااااااد

عواد
فات كتييييير وكتييييير عليه
عمره ما كان فى زمنا  دا الى ياما سمعنا بيه
من امى وستى وابويا وجدى
قالو عواد دا كان فى فلتان
 باع الارض وعاش بعديها غلبان
قالو زمان على عواد
وانا اقول دلوقتى على ملييووووون عوااد
فى الى بيبيع ارضه برمال
خسيس اصله جبان
ويرجع يشتريها تانى بالمال
اصله وريده بيجرى فيه الميه
وعمرى ما جرى فيه الدم
وفى الى باع اهله وناسه
بكوم تراب على راسه
هيروح فين والعار على وشه
وفين راح يرفع راسه 
وسط اهله وناسه
 اصل الخسيس طول عمره هيفضل خسيس
زى ماباع الارض  يبيع العرض
طول عمرنا نسمع الارض زى العرض
وناس كتير تانين  بيمتو عشان شبر طين
واحنا الارض عندنا زى التراب
بندوس عليها ونبيعا ونهديها بالمجان
للى يسوا   والى ما يسواش
باعو الارض وباعو الشعب
باعو  قوت الغلبان
واخدو فيه العزا كمان
ولما واحد قال لالالالا دا فساد
اخد بالمرصاد
وقالو ازاى بطلان ؟
دا الكل فينا كسبان
والرصيد فى البنك عمران
وانت من  القلب مغلول وفرسان
وراح نظبط المظابيط
ونغير المخاطيط
والكل راح يبقى تمام
ارض بكام  مليار
يكيفيكو منها كام مليم
مانتو عينكو فارغه
  وماتملاها غير الطين
وادى عواد  شفتو بعينى
من تانى  بس الفرق
ان عواد زمان باع ارضه الى ليه
لكن عواد دلوقتى يبيع الى مش  ليه