ياناس ياههووو جدى عدى التسعين
وفيها ايه ياعم ماربنا يديله طوله العمر
طيب ما قلناش حاجه ربنا يديله طوله العمر
بس هو تسعين سنه مش كفايه
فى اطول من كده عمر دول تسعييييييييييين ياعم
طب انا اعدى الاربعين اعيشهم بس اوصلهم
عاوز اشوف حالى بقه
عاوز اتجوز دا انا قربت اعنس ياناس
جدى دا بقه حكايه
هو مش تسعين سنه لا وتلت شهور وكمان سبع تيام
لا ومش مكفيه بيقول على نفسه صغير
صغير ايه ياعم امال انا ابقه ايه لما انت صغير
وكل ما حد يموت يعرفه يقول دا انا اصغر منه
ههههههههههههههههههه
اصغر منك ايه ياعم هو انت فى حد لسه من سنك
طب دا انت بيقولو عليك شفت هوجه عرابى
كنت اول مره اسمع عنها منك
وسمعتها بعدها لما دخلت المدرسه
لاقيتها اسمها ثوره عرابى
الى قام بيها عم عرابى زى ما بيقول جدى
وانا فى بالى بقه هى ثوره عرابى ولا هوجه عرابى
اصدق مين جدى الى حضرها وشافها
ولا الاستاذ الى ما عداش عمره التلاتين
فى حد بقه تعرفه حضر هوجه عرابى غير جدى
جدى الى كل ما يشوف حاجه يقول الله يرحم زمان
رطل اللحمه ابو نص ريال
جدى دا واخد البكالوريا
الى انا لغيت دلوقتى معرفش يعنى
ما علينا
جدى بقه دلوقتى طالع فى كلمتين (هحرمك من الميراث )
كل ماحد يتكلم معاه او ما يعجبوش كلامه يقوله هحرمك من الميراث واطلعك من البيت
ههههههههههههههههههههه حلوه صح
ياعم روح ميراث ايه دا الى بقاله تسعين سنه معاك مين راح يورثك
دا احنا ممكن ما نشوفهاش يعنى ممكن يوم توصل للورثه
الى لو يوم جم اصلا طول ما انت متبت فيها
ههههههههههه
تصورو هو الوحيد الى بيسالنى رايح فين وجاى منين
دا ابويا وامى ما بيعمولهاش ودا لا لازم يرسى على الاساس
ههههههه
جدى من ايام عرابى
يعنى ام كلثوم تقوله ياعمى
وعبد المجيد فتح الله يقوله ياخالى
الأحد، 29 يونيو 2008
السبت، 28 يونيو 2008
قال ايه مستنى النتيجه
نتيجه ايه الى مستنيها انت عبيط ؟
ياعم سيبك عيشلك يومين
هتلاقى فين عيشه زى دى بعد كده
البنات بيجرو وراك ومترمين على الكافتريات مش لاقيين الى يبصلهم
ياعم عاوز اخلص واشتغل
هاهاهاها تشتغل؟
مش بقولك عبيط
شغل ايه ياعم الى عاوز تشتغله
ما تخليك نايم فى العسل احسن
شغل ايه فى بلدك دى وبكام
دا لو لاقيته اصلا
السوال دا اصلا ما عدتش بيتسال
لانك مش هتحتاجه فى يوم من الايام
انك تسال هشتغل بكام
او اشتغل ايه
هو اخرك ممكن تشتغل نفسك
هو دا الى ممكن تقدر عليه
الا اذا
الا اذا ايه
الا اذا بقه كان ابوك وزير او صحبك ابوه حد كبير
او عمك فراش كبير
كده ممكن تشتغل
وهتبقى فى موضع كبير مسئول خطير ماسك خزنه فى بنك كبير
وفى اخر الشهر هتبقى االضحيه لناس مفتريه
مبتعرفش الا الازيه
بس بس ياعم انت متشائم كده ليه
يابنى دى الحقيقه
انت الى عايش فى دنيا تانيه
اه مالمصروف بتاع بابا مش مخليك عاوز حاجه
خليك بقه عليه واوعه يضيع بين ايديك
لاحسن ساعتها مش هتلاقى غير دمعه عنيك
وتقول ياريتنى
فين ايامك ياكليه
فينك ياسها انتى وتها وبوسى وتوتى والكافتريا الى فى الكليه
بعد ما رجلك تدوب على لف على شغل
والاخر ترجع على امك تقولها غطينى وصوتى
يبقى احسن تبوس النعمه الى فى ايديك واوعى تتبطر عليها وتنجح
لاحسن النعمه تزول منك
هتلافى نفسك فى الشارع لانت عارف فين رايح ولا امتى راجع
مالها عيشه الكليه
اكل ومرعه وقله صنع
وهيصه ياعم
توتى ونانو وهانو ونجلا
دا غير كمان سها ومايسه
بكره راح تريل على واحده اسمها فوقيه
واهى برضه هتديك بالمواخذه
روح دور بقه على النتيجه
ولو نجحت اوعى تصوت
روح لامك هى تصوت
ما هو قالها زمان
عمنا سعد
ما فييش فايده
وغطينى وصوتى يااما عليا
الخميس، 26 يونيو 2008
غريب
ابن الغربه
عشت طول عمرى غريب
غريب فى بيتى
غريب فى شغلى
غريب فى دنيتى
حتى غريب مع نفسى
بيجيلى يوم اكلم نفسى وساعات ما بعرفهاش اكنى اول مره اعرفها
وفجأه يتخيلى انى مش انا الى اعرفه
انسان غريب معرفوش
حتى اهلى حتى امى بيجى يوم ما بتعرفنيش اكنى غريب عنها
بتفضل تبصلى بنظرات غريبه فيها سوال انت مين؟
نفس السوال بيجيلى يوم مايرحش عن بالى انا مين ؟
يمكن يجى اليوم الى الاقى فيه اجابتى
واعرف انا مين
الاشتراك في:
الرسائل (Atom)